Groët niejs: ôzze niejem Boerevader sjteit klaor! 

Vastelaovendvereiniging de Boereraod

Leef Boere en Boerinne,

Wat zien weej as Besjteur gruëts öm ’n geweldig niej houfsjtök mêt uch te meuge deile! Zoë wie weej iërder al hebbe aangegaeve, zal Teddo Peulen nao dit seizoen d’r mei sjtoppe as Boerevader. Weej wille Teddo den ouch nag eine kiër hertsjtikke bedangke vur ziene jaorelangen inzet en toewijding aan De Boereraod. Maar… nôw kump ’t sjpannende niejs: Weej hebbe ‘nne fantastiesen opvolleger gevônge!

Mêt vuël entoezjasme kênne weej uch vertêlle det neemes minder as Boy Rooskens, ôzzem Bróedegôm van aafgeloupe jaor, dees rol as Boerevader op zich geit nimme! Boy is dé perfekte persoën vur dees belangriéke taak: zien entoezjasme, betrokkenheid en wermem bangk mêt idderein binne ôs vereiniging maake ö-m ziër gesjik. Of ’t nôw geit öm ôs Hiërboere, ôs Joekskepèl of de Jeug, Boy dae wêt wie det hae idderein aan zich bingk.

Weej hebbe d’r al ’t vertroewe in det Boy dees rol mêt hert en zeel zal gaon invölle. Zien leefde vur de vereiniging, vur de Vastelaovend en vur de sjoëne tradiesies die weej same koestere, sjtraolt hae óet in alles det hae duit.

Boy, weej winse dich al ’t gelök van de waereld, maar vural haope weej desse geis geneete van de bezôngere momente en unieke minse diese as Boerevader geis taengekômme. Same bouwe weej mêt dich verder aan ‘nne fantastiesen toekôms vur ôzzem Boereraod!

Laote weej mêt zien alle Boy mêt aope erm ôntvange in zien nieje rol en ö-m sjteune woë nuëdig!

Mêt groëten dangkbaarheid en mêt ’t volste vertroewe in alles det nag geit kômme,

Roy Ekart,
Veurzitter