Leef Boere en Boerinne, ’t Is wir zoë wiéd! Op zaoterdig 31 oktoëber aansjtaonde sjteit ôs Boeresjlachfiës wir vur de deur. Geej kênt dus al ’n waek iërder as geej gewênd ziet, geneete van de baklaeverwors, bloodwors, kerbóet (balkenbrij), Hausmacher (sjmaerlaeverwors), sjingkewors of huidvleis (zult). De priés per sjtök is ouch dit jaor € 4,50 en ’nnen aksiepriés van 4 sjtöks vur € 16,50!!! Dit kênt geej pinne. Zoë-as gebróekelik sjtaon weej op zaoterdig 31 oktoëber mêt ’nne mèrtkraom:

· Ôppe Kêrksjtraot op d’n hook beej Yukimi (10:00-16:00 oor).

· Ôppe Kêrksjtraot beej RACH (10:00-16:00 oor).

· Ôppe Hei op ’t Glazenapplein beej de Plus (9:00-13:00 oor).

· Op Sjteyl beej de Plus (8:30-11:30 oor).

Hóes-aan-hóes verkoup in ’t centrum van Tegele Ouch wuërt d’r op zaoterdig 31 oktoëber hóes-aan-hóes verkôch in ’t centrum van Tegele.